Хүмүүсийн дунд улаан дарсыг зөвхөн улаан усан үзмээр, цагаан дарсыг зөвхөн цагаан усан үзмээр хийдэг гэдэг өрөөсгөл ойлголт байдаг. Яг үнэндээ бүх төрлийн усан үзэмнээс цагаан дарс гаргаж болох боловч эсрэгээрээ бүх төрлийн усан үзэмнээс улаан дарс гаргаж болохгүй. Энэ нь юу гэсэн үг гэхээр цагаан дарсыг усан үзмийн зөвхөн шүүсийг ашиглан хийдэг харин улаан дарсыг исгэхдээ шүүсэн дээр нэмж тухайн үзэмний хальс болон үрийг давхар хийж исгэдэг гэсэн үг. Үүний дүнд дарсны өнгө улаан, ягаан өнгөтэй болдог, ягаан дарсны хувьд зөвхөн хальсийг ашигладаг нь улаан дарсанд үрийг нь давхар ашигладагаас арай ондоо. Олон зуун жилийн хэрэглээ болон энэ явцад хийгдсэн олон туршитуудын үр дүнд одоо байгаа сортуудаас гаргаж авсан улаан, цагаан дарснууд бол шалгарсан арга юм. Нэг үгээр хэлбэл дээр дурдсанчлан зарим улаан усан үзмээр зөвхөн улаан дарс хийнэ, зарим цагаан сортоор зөвхөн цагаан дарс хийнэ гэсэн үг харин заримаар улаан болон ягаан дарс хийдэг. Жишээ нь Cabarnet Sauvignon хэмээх улаан усан үзмийн сортоор зөвхөн улаан дарс л хийнэ, харин Pinot Noir улаан сортоор улаан болон ягаан дарс хийж болно.